Словенците со несекојдневен начин на привлекување на туристи

Словенија има многу начини да привлече туристи. Од планински убавини, до пештери и спа центри. Но, Словенците решиле да внесат уште една атракција за привлекување на туристи – набљудување мечки. Тоа е опасен потфат, но со искусен водач, обично ловец, преставува возбудлива авантура.
Миха Јернејчич од Регионалниот парк Нотранска, изјави:

„Најдобро е мечките да се набљудуваат кон крајот на летото и почетокот на есента, бидејќи тогаш деновите се долги и тие излегуваат во потрага по храна додека не се стемни.“

Доколку посетителот се придржува до безбедносните протоколи нема шанси мечката да им се приближи на луѓето, поради ѕидот висок четири метри.

„Ако осетат дека има луѓе во близина, мечките се повлекуваат”, објаснува Јернечиќ.