Машки клуб Светот на мажите
Полскиот борец Алан Квиечински го приреди еден од најспектакуларните нокаути некогаш видени на настанот FAME 17.
Во градот Краков се одржа настанот FAME 17, кој долго ќе се памети по нокаутот на локалниот борец Алан Квиечински. Со атрактивен и брутален потег го заспа својот сонародник Максимилијан Виевиорка.
Квиечински со „летечки удар“ го шутна својот ривал во воздух. Тоа беше раната фаза од вториот круг и моментот кога победникот почувствува дека е вистинското време за напад, бидејќи Виевиорка беше потресен и веќе на подот.
Коментаторите останаа во делириум. Тие викаа во неверување додека на Виевиорка му се помагаше, а слична ситуација имаше и во публиката додека гледачите со задоволство гледаа што се случува.
Така Квиечински, кој важеше за аутсајдер на овој меч, ја прекина серијата од четири порази. Претходно овој 31-годишник настапуваше на гала вечери како FEN или Army Fight Night.
Од друга страна, Виевиорка важеше за апсолутен фаворит бидејќи е актуелен шампион во полутешка категорија FAME. Беше во серија од пет победи, но таа заврши на најспектакуларен можен начин.
