Машки клуб Светот на мажите
Во оптичката илузија на мексиканскиот сликар Октавио Окампо се кријат четири различни слики, секоја од нив ви дава увид во тоа како покажувате емоции, колку сте романтични и дали имате тенденција да го изневерувате партнерот. Задлабочете се во сликата, оставете ја вашата интуиција да ве води и запишете што прво ќе забележите. Некои прво го гледаат лицето на старецот, други коњаникот, многумина прво ги привлекува младата девојка што лежи покрај реката, а некои луѓе прво го гледаат мостот над реката.
Секоја од овие слики го одредува вашиот поглед на врските и како се однесувате во нив, дали и колку сте романтични или склони кон изневерување.
- Старец. Ако прво го видите лицето на старецот, тоа значи дека никогаш нема да ја изгубите од вид поголемата слика за вашата љубовна ситуација. Најчесто не сте склони да ве водат само емоциите. Не сте од оние големи романтичари кои ќе „паднат“ на мали гестови. Наместо тоа, претпочитате некој кој вложува време, труд и енергија што се потребни за вистинските и квалитетни врски. Кога станува збор за начинот на кој сакате – се давате целосно. Кога ќе се приврзете за партнерот, имате тенденција да му бидете верни до крајот на животот. Изневерувањето го сметате не само за неморален чин, туку и за самоизмама.
- Коњаник. Ако на прв поглед гледате човек што јава коњ, тоа значи дека е тешко партнерот да ве задржи. Иако ова не мора да значи дека ќе ги изневерите романтичните партнери, сугерира дека имате тенденција да го поминете поголемиот дел од животот во потрага по личноста од вашите соништа, дури и ако таа е веднаш пред вас. Спаѓате во типот на луѓе кои сакаат да им се додворуваат другите и кои сакаат да бидат секогаш во центарот на вниманието. Шармантни сте и тоа е вашето најдобро оружје. Вие сте личност која ужива во флертувањето и романтичните гестови. Досадно ви е кога имате стабилна врска во животот, затоа што сакате да сте заљубени барем во неколку луѓе истовремено, а тие да бидат заљубени во вас.
- Девојка. Ако гледате девојка како лежи покрај река, тоа може да значи дека сте се откажале од барањето на трајна и вистинска љубов. Како да сте ја изгубиле вербата и во љубовта и во луѓето и сте внимателни во покажувањето, а особено во давањето емоции. Можеби тоа е минлива фаза во вашиот живот, затоа што некогаш сте биле повредени или напуштени, а раните сè уште не зараснале.
- Камен мост. Ако камениот лак над реката е првото нешто што го забележавте, тоа може да сугерира дека повеќе копнеете за авантура отколку за стабилност. Можеби се плашите дека врските ќе ви го попречат вашиот див дух и чувство за авантура, но тоа не значи дека не можете да најдете партнер кој е како вас. Сакате да пробувате сè што е ново, но и брзо ви здосадува. Љубопитни сте, па тоа секогаш ве води кон некои нови врски. Лесно ќе преболите ако некој ве остави, но и ако вие некого оставите, бидејќи за вас слободата е на прво место.
