Машки клуб Светот на мажите
Ако барате разладување од летните горештини, воздржете се од нагонот драматично да ја намалите температурата на термостатот. Експертите велат дека спуштањето на термостатот само ќе го оптовари вашиот клима-уред, кој и онака мора засилено да работи кога надвор е жешко.
Ова лето веќе станува историски жешко, зголемувајќи ги шансите оваа година да биде најтоплата на Земјата досега. Екстремните временски услови предизвикуваат загриженост поради дефекти и прекин на електричната енергија, и изложеност на опасната топлина.
Ова тера многу луѓе да бараат начини за најефикасно користење на клима-уредите, за да го разладат својот дом што е можно полесно и побрзо во топлите летни денови.
- Пониската температура не значи побрзо ладење
Кога температура во собата е повисока од поставената на вашиот термостат, системот се вклучува. Меѓутоа, поставувањето на термостатот на многу пониска температура не го зголемува капацитетот за ладење на вашиот клима-уред.
Ако го поставите термостатот на температура што го надминува капацитетот на уредот, системот ќе продолжи да работи додека се обидува да го излади вашиот дом до таа точка. Исто така, континуираното работење на вашиот клима-уред троши енергија и може да го скрати неговиот животниот век.
- Најдобра температура кога е жешко
Истражувањата велат дека луѓето се чувствуваат удобно на внатрешни температури помеѓу 21 и 25 Целзиусови степени.
Американската агенција за заштита на животната средина предлага луѓето да ги постават своите климатизери на 25 степени во текот на летото додека се дома, за да ја максимизираат заштедата на сметките за електрична енергија. Сепак, удобноста е субјективна и она што функционира за едно домаќинство може да биде неприфатливо за друго.
- Најдобрите поставки кога сте излезени
Кога сте надвор од дома подолг временски период, експертите предлагаат да го поставите термостатот за 3 до 6 степени повисоко отколку што вообичаено би ви било удобно. Програмирањето на термостатот на повисока температура осум часа на ден може да резултира со годишна заштеда на енергија од дури 10 проценти при греење и ладење.
- Други методи за ладење
Кога надвор е навистина топло, може да ви се чини дека во затворен простор е потопло од надвор, иако термостатот е поставен на температура што е обично удобна за вас. Наместо да ја намалувате температурата, можете да користите други методи за ладење. На пример, таванските вентилатори се многу корисни и обично бараат малку енергија за работа.
Погрижете се вашите ролетни да бидат затворени во најтоплите часови од денот. Избегнувајте да користите уреди како што се машини за миење садови, печки, рингли и сушалки, кои можат да ги направат просториите потопли и влажни и да го принудат вашиот клима-уред да работи понапорно.
