Што се случува со телото кога кафето ќе го замените со чај

Првата шолја кафе наутро е навика на многу луѓе и многу ретко се откажуваат од неа, но факт е дека тоа не е најдобрата опција кога е здравјето во прашање.

Една од причините зошто многу експерти препорачуваат кафето да се замени со чај е негативното влијание на кафето врз нашите заби и оралното здравје.

Нефилтрираното кафе, како и еспресото, има најголем удел на корисни антиоксиданси, но во исто време внесува и најмногу лош холестерол во организмот.

Исто така, може да го зголеми ризикот од срцев и мозочен удар.

Во екстремни случаи, може да предизвика епилептични напади. Сечија толеранција на кофеин е различна, па затоа е важно да забележите како вашето тело реагира на него и соодветно да се приспособите.

Премногу кафе може да значи и преголема стимулација, па луѓето кои се чувствителни на кофеин можат да станат нервозни и раздразливи.