HBO Max ја прикажа првата епизода од серијата „House of the Dragon“ и големиот интерес на гледачите платформата не издржа.
Милиони претплатници се собраа на премиерата на серијата, но многумина не можеа да ја гледаат поради технички проблеми кои погодија најмалку илјадници корисници.
Според Холивуд Репортер, се чини дека одредени уреди на Амазон не биле во можност да го следат приливот на гледачи.
Дејството на серијата е сместено пред настаните од серијата „Игра на тронови“, во ерата кога Таргариените владеат со Вестерос, а најмногу се врти околу предците на Денерис Таргариен, принцезата Ренира Таргариен и принцот Дејмон Таргариен,
Набргу по премиерата на серијата, социјалните мрежи беа преплавени со коментари на задоволни фанови, а првата епизода моментално има висока оценка од 9.0 на IMDb.
„House of the Dragon ќе биде луда. Каква прва епизода“, напиша еден корисник на Твитер.
“Првата епизода беше феноменална. Едвај чекам следната недела”, “Серијата е многу слична на петтата сезона на Game of Thrones”, “Епизодата беше за оценка 11 од 10”, “Серијата тотално ме привлече. Веројатно повторно ќе ги читам книгите“, следеа коментарите.
Некои беа незадоволни од квалитетот во серијата.
„CGI на змејовите и градовите не изгледа ни приближно добро како што се сетќавам. Дали ги намалија трошоците?“ прашал еден гледач, а многумина се согласиле со него.