Машки клуб Светот на мажите
Електричниот модел Spectre моментално ги минува своите тест километри на патиштата на француската ривиера.
Нема одмор за тест возачите и инженерите во британската автомобилска компанија под покровителство на BMW кои го тестираат/развиваат првиот Rolls-Royce кој ќе се вози само со електромотори, а последните фотографии од камуфлираниот прототип се направени на патиштата на француската ривиера каде се тестира суспензијата на моделот Spectre.
Со претходната најава дека серискиот модел ќе биде готов на крајот на следната година, имаат доволно време во RR да ја завршат целата работа околу електричниот модел кој ќе помине околу 2,6 милиони тест километри во различни режими и климатски услови.
Тестниот прототип досега помина 625.000 километри, а кривулестите патишта на француската ривиера беа избрани за тестирање и прилагодување на адаптивните елементи на суспензијата на автомобилот, кои, како што стојат работите, ќе бидат најаеродинамичниот RR досега.
Во Rolls-Royce не открија многу технички детали за првиот електричен ултра луксузен модел со врати долги 1,5 метри, но познато е дека Spectre е базиран на нова EV платформа со која ќе има најригидна тело во историјата на компанијата.
