Abarth го претстави електричниот 500e: До „стотка“ за седум секунди

Abarth неодамна ја претстави својата верзија на 500 од 2023 година, а сега пристигна и електричниот 500e.

Abarth 500e е базиран на најновата верзија на популарниот италијански модел, што значи дека нема мотор со внатрешно согорување, наместо тоа предните тркала ги придвижува електричен мотор. Покрај тоа, 500e на Abarth е помоќен од стандардниот модел на Fiat.

Електричниот Fiat 500 развива 117 КС и 220 Nm вртежен момент, додека верзијата Abarth испорачува 155 КС и 235 Nm. Дополнителни 38 КС и 15 Nm можеби не се огромен скок, но електричниот хечбек забрзува од 0 до 100 km/h за 7 секунди или 2 секунди пред стандардниот електричен модел.

Abarth исто така направи тестови за да види колку е побрз електричниот хечбек од моделот 695 со 1,4-литарски турбо бензинец и беше откриено дека тој достигнува 20 до 40 km/h секунда порано. Споредбата на патеката Misto Alfa Romeo покажа дека електричниот модел е побрз од Abarth 695 за секунда.

Моќниот 500e има поголема батерија со капацитет од 42 kWh која поддржува полнење до 85 kW. Полнењето од пет минути е доволно за патување 40 километри, додека батеријата ќе се полни до 80 отсто капацитет за 35 минути полнење.

Максимално опремената прва верзија на Scorpionissima е ограничена на 1.949 примероци и ја означува годината на основањето на Abarch. Достапно во кисело зелена и отровна сина боја, и двете во комбинација со странична графика. Автомобилот е опремен со ексклузивни алуминиумски тркала од 18 инчи и е опремен со низа детали, вклучувајќи фиксиран стаклен покрив, затемнети задни стакла, спортски педали и челични прагови на вратите.

Спортските седишта со изразени странични потпирачи имаат функција за греење и се покриени со алкантара. Седиштата имаат интегрирани потпирачи за глава украсени со модернизирано лого на Abarth со ласерско пресекување во кисела зелена боја. Логото е и на воланот.

Десно од 7-инчниот дигитален кластер е 10,25-инчен екран на допир со безжични Apple CarPlay и Android Auto системи.

Abarth 500e доби автоматски фарови и бришачи, систем за влез без клуч, безжичен полнач за мобилен телефон, 360 камера, JBL систем за звук и автоматска климатизација. Генераторот на звук создава лажен звук на бензински мотор, но може да се исклучи.

Треба да се каже дека Abarth 500e е достапен и како кабриолет со црн мек покрив.