Намалете ги киселините во желудникот со алтернативни методи

Сите барем еднаш во животот сме го искусиле тоа чувство на печење и жарење кое се шири од желудникот кон грлото, предизвикано од претерано лачење на желудечни киселини и се нарекува жиговина. Најчесто се јавува кога јадеме многу зачинета храна, но причините можат да бидат и од друга природа. Некои луѓе имаат силна жиговина, а кај други симптомите се нешто поблаги.

Во двата случаи чувството е непријатно, па затоа не е чудно што лековите за киселини во желудникот се едни од најбараните во аптеките. Меѓутоа, освен со лекови, жиговината може да се ублажи и со алтернативни методи, и со внесување на промени во животниот стил:

• Избегнувајте газирани пијалаци и кофеин. Подобар избор е чајот од билки.
• Секој ден напијте се една чаша млака вода.
• Јадете банани, лубеници и свежи краставици. Сокот од лубеница е идеален за смирување на жиговината.
• Последниот оброк во денот изедете го најмалку 2 до 3 часа пред легнување.
• Секој ден пијте барем една чаша млеко.
• Долгите паузи помеѓу оброците можат да ја поттикнат жиговината, затоа јадете повеќе помали оброци во пократки интервали.
• Избегнувајте кисели краставички, оцет, премногу зачинети јадења.
• После оброкот напијте се благ чај од нане.
• Во исхраната внесете каранфилче.
• Лимонот, бананата и бадемите моментално ја олеснуваат жиговината.
• Претерано пушење и пиење алкохол ја влошуваат состојбата.
• Гумата за џвакање предизвикува зголемено лачење на плунка што може да ги ублажи симптомите на жиговина.
• Ѓумбирот ја подобрува дигестијата, додајте го во вашата исхрана.
• Напијте се чаша лимонада со малку шеќер еден час пред јадење.
• Јадете повеќе грав, тиквици, зелка, моркови, млад кромид.
• Напијте се чаша вода во која сте раствориле една лажичка сода бикарбона.
• Јадете во седечка положба.
• Спијте на благо поткрената перница.
• Цитрусното овошје е алкално и ја неутрализира киселината во стомакот.