Селекторот на српската кошаркарска репрезентација Светислав Пешиќ го пречкрта капитенот Милош Теодосиќ за претстојните натпревари, а и за Евробаскетот кој ќе се одржи во септември годинава.
Според медиумите во Србија, ова е првпат по 15 години капитенот и лидер на А селекцијата да биде пречкртан од списокот на репрезентацијата, а претходно поради повреди не играше на Евробаскетот во 2013 и 2017 година, како и на Мундобаскетот во Кина во 2019 година.
Овој кошаркар за тренерот Пешиќ одигра два натпревари во квалификациите за СП, по што повеќе не настапуваше за репрезентацијата, а Пешиќ наводно не сака тој да биде негов предводник во иднина и сака да ги промени работите на овој план. .
Изненадувачката и чудна одлука на трофејниот стручњак да му се заблагодари на најискусниот играч на српската репрезентација веќе во оваа фаза од подготовките.
Србија на 1 август ги започна подготовките за квалификациските натпревари и Евробаскетот, а првиот контролен натпревар против Црна Гора во Белград е закажан за 13 август. Четири дена потоа во Љубљана ќе играат против Словенија.