Роналдо изјави дека ќе игра за Манчестер Јунајтед

Кристијано Роналдо долго време молчеше, но во последните два дена ја најави својата иднина во Манчестер Јунајтед.

Веќе со недели кружат гласини дека Роналдо сака да го напушти Јунајтед, а вчера португалскиот ас изјави дека „новинарите лажат“.

Доцна синоќа испрати уште поконкретна порака која сигурно ќе ги израдува сите навивачи на „црвените ѓаволи“.

Една од страниците што ја креираа неговите фанови на Инстаграм објави дека Роналдо е на списокот со играчи за пријателските натпревари против Атлетико Мадрид и Рајо Ваљекано, а Португалецот изјави дека ќе игра на една од нив.
Јунајтед денеска во Осло од 13 часот и 45 минути игра против Атлетико Мадрид, а утре од 17 часот на „Олд Трафорд“ ќе има генерален меч против Рајо Ваљекано и токму на тој меч ќе игра Роналдо.

„Кралот игра во недела“, рече Роналдо, отфрлајќи ги сомнежите дека нема да биде со тимот на почетокот на сезоната.