Најскапиот теренец не е производ на автомобилски компании кои ни се добро познати, туку на кинеската компанија ICT.
Теренското возило со назив Karlmann King, зад необичниот изглед нуди луксуз на кој ќе му бидат љубоморни и компании како Rolls Roys.
Основата на ова возило е пикапот Ford F 500 и баш нема да ги развесели адреналинските зависници. Поради големата тежина од 4500 килограми, 6,8-литрениот V8 мотор кој испорачува сила од 398 коњски сили, како да не е доволен за големи забрзувања и големи брзини. Максималната брзина што овој теренец може да ја постигне е 140 km/h.
Меѓутоа, овие параметри и не се толку важни колку фактот дека Karlmann King е тука за да испорача луксуз. Плејстејшн, телевизор, кров со амбиентално осветлување, фрижидер за пијалаци, се само дел од луксузот со кој располага.
Други технички податоци за возилото не се откриваат, останува да почекаме за да ги дознаеме.