Зад иновото здание на ABT се крие извонредно рафиниран „hothatch“ модел чии перформанси можат да се споредат со оние на повеќето суперспортски автомобили.
Позади името ABT RS3-R се крие најновата автомобилска егзотика од Кемптен, каде што е сместена познатата германска тјунинг компанија ABT Sportsline, а основата на проектот беше моделот RS3 на Audi, придвижуван од 2,5-литарски 5-цилиндричен турбо бензински мотор.
По интервенција на специјалистите на ABT, вклучително и поставување на нов издувен систем, „ергелата“ на моторот на Audi е зголемена за 100 „коњи“, па наместо 400 КС и 500 Nm максимален вртежен момент, светло зелениот RS3-R е придвижуван од 500 КС и 600 Nm вртежен момент.
Збогатен со бројни карбонски додатоци за каросеријата, дополнително спуштен и монтиран на 20-инчни алуминиумски тркала од широката палета на ABT со гуми Goodyear Eagle F1 SuperSport R, RS3-R забрзува од 0 до 100 km/h за само 3,3 секунди и (без електронски ограничувач) развива 300 km/h.
Во Кемптен не се занимаваа со сопирачките, бидејќи заклучија дека решението зад Audi Sport е сосема доволно за дополнителен потенцијал и својата „зелена средна машина“ ќе ја понудат во 200 примероци.