Модуларна колиба во најсеверниот град на светот

Планинарите кои одат во Хамерфест, најсеверниот град во Норвешка и во светот, на нивното патување имаат можност да се одморат и да соберат сила во посебно дизајнирана колиба од модули изработени од дрво. Целиот концепт се вклопува во околината, а на оние што ја користат им овозможува пријатен одмор споен со преубав поглед на прекрасната норвешка природа.
Колибата е изградена од норвешката трекинг асоцијација, а дизајнот е на Spinn Arkitekter и се состои од 77 дрвени компоненти споени заедно.
Колибата е така дизајнирана за да се вклопува во природната околина, а се планира изградба на уште една.
Планинарите во неа можат да се одморат, да се стоплат и да си подготват јадење, притоа гледајќи ја арктичката панорама низ големиот прозорец. Имаат можност да се восхитуваат на прекрасното изгрејсонце, зајдисонце и прекрасната поларна светлина.
Дизајнот е тестиран на тамошните климатски услови и перфектно се снаоѓа со ладното време и големиот снег.
Колибата е дизајнерски и функционално совршена.