Ливерпул го губи трпението со Салах

Според англиските медиуми, Ливерпул е подготвен да го продаде Мохамед Салах ова лето во случај на добра понуда, а „црвените“ веќе одредиле цена за својот најдобар играч.

И покрај тоа што веќе го загуби Сади Мане, кој се пресели во Баерн, англискиот клуб е отворен и за трансфер на египетскиот фудбалер, чиј договор истекува на крајот на следната сезона.

Според Мирор, за да потпише нов договор, Салах сака неговата плата да се зголеми од 233.000 евра неделно (200.000 фунти) на неверојатни 583.000 евра (500.000 фунти), што би му ја зголемило годишната плата од 11 на 28 милиони евра. и тој се уште не се договорил за продолжување на соработката со Црвените.

Ливерпул изгледа полека го губи трпението со Салах и во случај на добра понуда е подготвен да го продаде. Медиумите на Островот пишуваат дека Реал внимателно го следи развојот на ситуацијата и дека ќе се обиде да ја искористи можноста доколку се укаже, а Црвените бараат 70 милиони евра за трансферот на Египјанецот.

Салах дојде во Ливерпул во 2017 година од Рома, а на 206 настапи постигна 127 гола. Претходно има настапувано за Фиорентина, Челзи, Базел и Ал Мокавлун.

Минатата сезона Салах постигна 31 гол и забележа 16 асистенции на 51 натпревар во сите натпреварувања за „црвените“.