Напаѓачот на Милан, Златан Ибрахимовиќ беше забележан во бродоградилиштето Бенети во Ливорно, каде, според италијанските медиуми, разгледувал јахта што ќе ја купи за 20 милиони евра.
Јахтата „Ребека“ е долга 40 метри со три палуби, и нуди одличен поглед. Има базен, теретана, скара со џакузи, како и пет кабини за спиење, а објавените фотографии го потврдуваат целиот нејзин сјај.
Јахтата се изнајмува на неделно ниво и чини меѓу 190 000 и 225 000 евра, но Швеѓанецот е подготвен да купи трајно и се очекува наскоро да ја официјализира продажбата.
Во последно време, купувањето луксузни јахти беше многу интензивно кај познатите спортисти, а се чини дека дојде ред и за Ибрахимовиќ.