Единствениот Ferrari Enzo во фабрички мат црна боја

Од фабриката на Ферари во Маранело е произведен само еден примерок од моделот Ферари Енцо во мат црна боја.

Според аукциската куќа RM Sotheby’s, која ќе го продаде автомобилот прикажан на фотографиите, член на кралското семејство од Брунеи го искористил своето богатство и влијание за да го добие Enzo во Неро Опако, или мат црно. Ова беше првиот хиперавтомобил на Ферари во историјата обоен во мат боја.

Енцо беше испорачан на купувач во Лондон и повремено беше виден во Хемпстед, Мејфер и Најтсбриџ пред да биде пренесен во Азија. Неодамна беше вратен во Carrozzeria Zanasi, официјалната продавница за бои за автомобили Ферари. Сопственикот потрошил 110.000 евра за ново лакирање, козметички поправки и замена на копчињата и стаклото над моторот.

Enzo е придвижуван од атмосферски 6.0-литарски V12 мотор кој развива 651 КС поврзан со Формула 1 автоматски рачен менувач.

Иако е уникатен и има само 5.730 километри на часовникот, автомобилот ќе се продава без резервна цена на аукција помеѓу 5 и 7 декември.