Леброн Џејмс повеќе не е меѓу топ 5-те најдобри НБА кошаркари

Кралот повеќе не е на тронот, не е на подиумот или во топ 5-те најдобри играчи на НБА. Леброн Џејмс доживеа пад на ранг-листата на ЕСПН.

Иако некои ќе ја оспорат оваа информација, факт е дека Леброн Џејмс полека старее, кој падна во рангирањето додека помладите играчи напредуваат.

Пред почетокот на новата сезона во НБА, ЕСПН го објави рангирањето на најдобрите 100 играчи во лигата, а Џејмс се најде на шестото место. На минатогодишната листа ѕвездата на Лос Анџелес Лејкерс беше на третата позиција.

ЕСПН постепено ја откриваше листата од 100 до број 1, а во четвртокот беа откриени играчите кои се рангирани од 10 до 6 место.

Џејмс се уште е во топ 10, но повеќе не е во топ 5, а зад него се Џејсон Тејтум, Кевин Дурант, Џа Морант и Девин Букер.

Лука Дончиќ, Јанис Антетокунмпо, Никола Јокиќ, Џоел Ембиид и Стивен Кари веројатно се во топ 5, иако ова не е официјално рангирање.

Падот на Леброн од топ 5 може да се објасни со разочарувачката сезона на Лејкерс, која заврши на 11. место во Западната конференција, а Џејмс пропушти 26 натпревари поради повреда.

Претсезоната е пред почетокот, а Џејмс влегува во 20-та година во НБА. Прашање е дали тој и Лејкерси можат да ја подобрат формата, дали Џејмс може да се врати во топ 5 или ова е почеток на неговиот пад.