Машки клуб Светот на мажите
Apple работи на нови модели на MacBook Pro кои ќе ги претстави оваа година.
Американските медиуми објавија дека Apple развива нови верзии на основниот MacBook Pro што ќе работи на M2 чипот, но без ProMotion или мини-LED дисплеј.
ProMotion и мини-LED екраните беа достапни за минатогодишните модели на MacBook Pro со процесори M1 Pro и M1 Max, а оваа технологија овозможува стапка на освежување на екранот до 120Hz.
MacBook Pro треба да биде еден од четирите производи што треба да се надградат во 2022 година. Оваа година треба да се освежат и MacBook Air, 24-инчниот iMac и основниот Mac mini.
Покрај Mac, Apple ќе претстави широка колекција на нови производи во 2022 година, а вклучува iPhone SE 3, iPhone 14, Apple Watch Series 8, како и нови модели iPad Pro и iPad Air.
Американскиот технолошки гигант допрва треба да го објави официјалниот датум на својот следен настан, а шпекулациите велат дека тоа е почетокот на март.
