Машки клуб Светот на мажите
Меѓународен тим на научници на Гренланд откри кратер скриен на 1600 метри под мразот, во северозападниот дел на Гренланд. Станува збор за еден од 25 најголеми мегакратери, создадени на крајот од минатото ледено доба. Откриениот кратер е и најголемиот од групата и длабок е 304 метри, а широк 30,5 километри.
Групата на научници предводени од експерти од Центарот за Геогенетика на Универзитетот во Копенхаген во склоп на данскиот Природонаучен музеј, три години работеа на анализа на кратерот со помош на податоците што во 2015 година ги снимила НАСА.
Нивните откритија се објавени во месечното издание на Science Advances.
Како што наведуваат научниците, кратерот настанал во периодот помал од 3 милиони години, во момент кога метеор со пречник од 1 километар удрил во Гренланд. Низ времињата кратерот бил прекриван со снег и мраз и во денешно време не бил визуелно достапен.
