Машки клуб Светот на мажите
Сонцето и топлината имаат разурнувачки ефект врз некои работи што ги користиме и не е паметно да ги оставиме во автомобилите. Се чини разумно да чувате шише вода во вашиот автомобил за време на топлотен бран. Сепак, бисфенолот А и фталатите во пластиката, хемикалии кои делуваат како врзива и ја прават пластиката флексибилна и предизвикуваат загриженост кај експертите кои ги проучуваат нивните ефекти врз здравјето на луѓето. Оставањето вода во пластични шишиња во врел автомобил може да предизвика испуштање на овие материи во водата, пишува The Sunday Times.
Екстремната топлина во автомобилите може да ги оштети батериите на сите уреди кои ги користиме, од компјутери, телефони… Има и шишиња за крема за сончање, кои не смеете да ги оставите на сонце бидејќи во некои случаи може да експлодираат.
Следни се сите спрејови, од дезодоранс до лак за коса. Кога температурата ќе достигне околу 48°C, притисокот во шишето се зголемува доволно за да предизвика експлозија, велат експертите. Пластичните рамки на очилата за сонце може да се искриват и обезбојат, а леќите може да се искриват.
Некои лекови, како што се антибиотиците, треба да се чуваат во фрижидер. Лековите генерално не поднесуваат топлина, а некои од нив ќе станат неупотребливи по изложување на екстремно високи температури. Ако користите адреналински инјекции, нивниот ефект исчезнува во жешките возила. Што, се разбира, е прашање на живот или смрт.
Карминот ќе се стопи на високи температури. Пријавени се случаи на експлозија на конзерви со газиран пијалок кога се изложени на екстремна топлина. Дури и сокот од портокал може да експлодира ако се остави долго време во автомобилот, а тоа значи многу неред.
Оставањето запалки за еднократна употреба во автомобилите во топли денови не е паметна идеја. Нивната експлозија може да предизвика голема штета, па дури и да пукне ветробранското стакло.
