Дали цедените сокови се поздрави од консумирањето цело овошје и зеленчук

Цедењето сок од овошје и зеленчук не е поздраво од јадење целокупна храна, тврдат експертите од клиниката Мајо.

Последниве денови на социјалните мрежи се шири трендот на „цедење“, односно цедење овошје и зеленчук, а конзумирањето сок се препорачува затоа што е наводно поздраво. Меѓутоа, експертите од клиниката Мајо тврдат дека цедењето сокови не е поздраво од јадењето цело овошје и зеленчук.

Течноста содржи најмногу витамини, минерали и растителни хемикалии (фитонутриенти) кои се наоѓаат во овошјето. Сепак, целото овошје и зеленчук имаат и здрави влакна, кои се губат при цедењето.

Некои веруваат дека цедењето сокови е подобро отколку да јадете цело овошје и зеленчук, бидејќи вашето тело може подобро да ги апсорбира хранливите материи, а на вашиот дигестивен систем му дава пауза од варењето на влакна. Тие велат дека цедењето сокови може да го намали ризикот од рак, да го зајакне имунолошкиот систем, да ги отстрани токсините од телото, да го помогне варењето и да ви помогне да изгубите тежина.

Сепак, не постои научен доказ дека цедените сокови се поздрави од сокот што го добивате кога јадете само овошје или зеленчук.

Ако не сакате да јадете овошје и зеленчук, цедењето сок може да биде начин да ги додадете во вашата исхрана или да пробате овошје и зеленчук што можеби нема да ги јадете.

Клиниката Мајо препорачува да размислите за блендање наместо цедење. Со блендање на јадливите делови од овошјето и зеленчукот, добивате напиток кој содржи повеќе здрави фитонутриенти и влакна. Влакната исто така може да ви помогнат да се чувствувате сити.

Ако пробате да цедите, направете сок само онолку колку што можете да испиете одеднаш бидејќи штетните бактерии можат брзо да се развијат во свежо исцедениот сок. Ако купувате комерцијално произведен свеж сок, изберете пастеризиран производ.