Неколку причини зошто не е паметно да легнете гладни

Прескокнување вечера, ако сакате да изгубите вишок килограми или едноставно сте премногу уморни за да подготвите нешто да јадете, не е паметна одлука, велат експертите.
Ако ја прескокнете вечерата, чувството на глад може да ве држи будни подолго време или да ви го наруши сонот, па експертите ве предупредуваат дека сепак не треба да легнувате гладни.

Ако можете да се организирате за да обезбедите 7 до 9 часа сон, тоа е одлична работа, особено ако сте преоптеретени со обврски и сте под стрес. Добриот сон е клучен за враќање на енергијата што ќе му овозможи на телото да се справи со голема количина на стрес. Но, чувството на глад може да ви го одвлече вниманието од заспивање и спиење без будење, а недостатокот на сон или периодично слабиот квалитет на сонот само доведува до уште поголем стрес, пишува Health Digest.

Недостатокот на сон може да има негативно влијание врз вашето расположение, што е голема веројатност дека ќе се чувствувате нервозни следниот ден. Но, на тоа може да влијае и фактот дека на вашето тело му недостасуваат јаглехидрати, кои се многу важни во производството на хормонот на среќата – серотонин. Ова може да биде проблем, особено ако страдате од анксиозно растројство или клиничка депресија, но одењето во кревет без вечерен оброк никогаш не е паметна одлука.

Без вечера можете да се разбудите исцрпени следниот ден. Понекогаш овој недостаток на енергија не може да се компензира со квалитетен појадок.

Ако мислите дека со прескокнување на вечера ќе изгубите вишок килограми, експертите велат дека само така може да добиете повеќе килограми. Како прво, недостаток на енергија за телото да може да функционира ноќе може да доведе до забавување на метаболизмот, а забавениот метаболизам го забавува слабеењето. Недостаток на сон ги прави луѓето нервозни и гладни, што доведува до прејадување и дебелеење.

Обидете се да имате здрава вечера пред спиење, но направете го тоа најмалку два до три часа пред спиење за да избегнете проблеми. Доцна вечера може да предизвика металоиди, рефлукс и други проблеми со варењето на храната.