Xiaomi претстави нов телефон на преклопување – Mix Fold 2

Денес во Кина, Xiaomi го претстави наследникот на минатогодишниот Mix Fold со можност за преклопување – Xiaomi Mix Fold 2. Овој телефон пристигнува со импресивен дизајн и спецификации.

Mix Fold 2 е еден од најтенките телефони што се преклопуваат, со димензии од само 4,5 mm кога е расклопен и 11,2 mm кога е преклопен, вклучувајќи го и делот кај камерата. Телефонот тежи 262 грама и има шарка направена од комбинација на легура и јаглеродни влакна.

„Предниот“ екран е AMOLED дијагонала од 6,56“, со однос 21:9. Доаѓа со поддршка за стапка на освежување од 120 Hz и заштита од Gorilla Glass Victus. На горниот дел од екранот има дупка со предна камера од 20 MP.

Кога телефонот ќе се отвори, тогаш добиваме 8-инчен LTPO2 OLED екран со резолуција од 1914 x 2160 пиксели и променлива стапка на освежување од 1-120 Hz. Максималната осветленост на екранот е 1300 nits, а има и поддршка за HDR10+ и Dolby Vision.

Ова е втор телефон на Xiaomi кој пристигнува со камери оптимизирани за Leica. Главниот сензор на телефонот е Sony IMX766 од 50 MP со поддршка за OIS. Телефонот доаѓа со Leica автентични и живописни стилови на фотографирање и еден куп Leica филтри. Покрај овој главен сензор за камера, Mix Fold 2 има и ултра-широк сензор од 13 MP и телефото сензор од 8 MP со 2x оптички зум.

Xiaomi Mix Fold 2 има батерија од 4500 mAh со поддршка за брзо полнење од 67 W.

Телефонот е опремен со чип Qualcomm Snapdragon 8+ Gen 1 и се испорачува со кориснички интерфејс Android 12 и MIUI Fold 13.

Доаѓа во две бои – црна и златна. Цените на Xiaomi Mix Fold 2 започнуваат од 8.999 CNY, што е околу 1.340 долари за моделот 12/256 GB и одат до 11.999 CNY, што е околу 1.780 долари за моделот 12 GB/1TB.

Претходна Кој тип на мажи пружа најдобри оргазми
Следна Кордоба: ритамот на фламенко во расцутена градина

Награден напис

НБА екипа на продажба

Професионалниот кошаркарски тим во НБА, Феникс Санс лани играше во големото финале на плеј-офот и …

Volkswagen ID Buzz Cargo ја освои наградата за комбе на годината за 2023 година

На Volkswagen ID Buzz Cargo му беше доделена престижната индустриска награда „Меѓународно комбе на годината …

Забрането е копирање на текст!