Voyager – чевли што се загреваат преку мобилен

Jimmy Choo, модната икона за дизајн на чевли, реши на зиморливите да им понуди нешто што многу ќе ги израдува. Тоа се чевлите Voyager што можат да ја контролираат температурата преку мобилен.
Дизајнот и идејата е на Jimmy Choo, а технолошките детали се на француската компанија Zhor-Tech.
Како всушност функционира технологијата вградена во зимските чевли Voyager?
Во чевлите има вградено иновативни влошки што може да се загреваат, а се контролирани од апликација на мобилниот уред. Кога ќе ви залади можете да ја покачите температурата на влошките која минимално е 25 степени, а максимално може да се покачи до 45 степени. Греењето може да трае до 8 часови, а потоа е потребно да се наполнат батериите во чевлите. За таа цел на горниот раб зад чевлите има USB приклучок кој е скриен.
Освен технолошкиот дел на зимските чевли, Voyager се обложени и со крзно кое додатно загрева.
Цената на моделот Voyager на Jimmy Choo ќе се биде околу 1500 фунти.