Volvo Trucks започнува сериско производство на електрични камиони

Компанијата Volvo Trucks започнува со сериско производство на тешки електрични камиони од 44 тони, и е прв производител на камиони во светот кој се впушти во ваков потфат.

Volvo Trucks започнува сериско производство на електрични верзии на своите тешки камиони, кои се најважната производна линија на компанијата: Volvo FM, Volvo FH и Volvo FMX. Станува збор за камиони кои можат да работат со вкупна тежина од 44 тони (бруто комбинирана тежина), а трите наведени модели сочинуваат околу две третини од продажбата на оваа компанија.

Со овие најнови додатоци, Volvo Trucks има шест модели на електрични камиони во сериско производство на глобално ниво – што претставува најширока палета на електрични камиони во целата камионска индустрија.

„Ова е пресвртница и доказ дека сме лидери во трансформацијата на целата индустрија на тешки комерцијални возила. Поминаа помалку од две години откако првпат ги претставивме нашите електрични тешки камиони. Сега ќе го зголемиме обемот на производство и ќе ги испорачаме овие одлични камиони на клиентите низ цела Европа“, вели Роџер Алм, претседател на Volvo Trucks.

Сериското производство на најтешките електрични камиони Volvo ќе започне во фабриката Туве во Гетеборг, Шведска, а следната година ќе следи производство во фабриката во Гент, Белгија. Volvo произведува електрични камиони на иста линија како и неговите конвенционални камиони, што обезбедува висока производствена флексибилност и ја зголемува ефикасноста. Батериите се испорачуваат од новата фабрика за склопување батерии во Гент.

Побарувачката за електрични камиони рапидно расте на многу пазари, поттикната од потребата корисниците на транспорт да се префрлат на транспорт без фосилни горива за да ги исполнат нивните цели за одржливост на животната средина. Електричната понуда на Volvo Trucks може да ги задоволи потребите на околу 45% од сите стоки што се транспортираат во Европа денес. Според статистичкото истражување на Еуростат „Патен транспорт по далечина“ (2018), 45% од сите стоки што се транспортираат по пат во Европа покриваат растојанија пократки од 300 километри.

„Продадовме повеќе од 1.000 примероци на нашите електрични тешки камиони и повеќе од 2.500 електрични камиони вкупно. Ова се сè уште мали бројки, но очекуваме значителен раст на обемот на продажба во следните неколку години. До 2030 година, најмалку 50 отсто од камионите што ги продаваме ширум светот треба да бидат електрични камиони“, вели Роџер Алм.

Електричниот опсег на Volvo Trucks од шест модели на камиони опфаќа широк опсег на апликации, како што се урбана дистрибуција и депонирање отпад, регионален транспорт и градежништво.

Претходна Илјадници крокодили снимени на плажа во Бразил
Следна Blitz претстави посуптилен “body kit” за Toyota GR86 и Subaru BRZ

Награден напис

Археолозите ја пронајдоа досега најстрашната гробница во Египет

Археолозите неодамна јужно од Каиро открија гробница стара 2.500 години, исполнета со бројни магични изреки …

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Don`t copy text!