Sky Whale е трикатен авион за 755 патници

AWWA Sky Whale е огромен авион дизајниран да го претставува врвот на луксузот, перформансите и одржливоста.

На неодамнешната изложба за иднината на транспортот во Кувајт беше претставен дизајн на Оскар Виналс. Концептот наречен Sky Whale е фокусиран на „зелен“ дизајн на авиони кој ја претставува иднината на воздушниот транспорт, кој би можел да има корист од технолошките решенија кои се поеколошки, поефикасни и нудат максимални перформанси.

Концептот е опремен со најсовремени технологии како што се легури, композити од керамика или влакна, јаглеродни наноцевки, оптички кабли, „само-заздравувачка“ кожа, хибридни електрични мотори, активни крила, двојни трупови, прозорци со VR технологија и прилагодлива непроѕирност и способност за собирање електрична енергија користејќи мали соларни ќелии во структурата на таванот.

Активните крила ќе бидат подолги од конвенционалните што моментално се користат, а ексцентричната турбина во крилото блиску до трупот може да насочи ламинарен проток на воздух и турбуленции додека генерира електрична енергија за електричните хибридни мотори.

Иновативниот хибриден турбо-електричен погонски систем е овозможен со очекуваниот развој на технологијата за батерии.

Моторите може да се поместуваат до 45 степени вертикално за дополнително да помогнат при полетување и слетување. Ова значително би ја намалило должината на пистата потребна за полетување.

Систем „fly-by-wire“ и авионска опрема би се користеле за контрола на сè, а помошта би била обезбедена од активните сензори распоредени по површината на авионот.

Од безбедносни причини, крилата на авионот се направени и позиционирани одвоено од трупот, а содржат и интегрирани мотори. Доколку дојде до принудно слетување, патничкиот простор ќе се одвои и ќе претрпи мала штета.

Концептот е долг 76,8 метри, може да достигне брзина од 997 km/h и да прими до 755 патници.

Sky Whale во суштина е дизајниран како луксузен летечки хотел и има различни капацитети. Патниците би биле поделени на туристички, деловни и прва класа. Највисоката класа ќе вклучува покривни прозорци во таванот.

Побарувачката за поголеми патнички авиони опремени со најсовремена технологија е во пораст, па овој концепт еден ден би можел да стане реалност.

Претходна SC-01 станува национален спортски автомобил на Кина
Следна Nissan го претстави тркачкиот Z GT4, на патеката ќе се појави следната година

Награден напис

Археолозите ја пронајдоа досега најстрашната гробница во Египет

Археолозите неодамна јужно од Каиро открија гробница стара 2.500 години, исполнета со бројни магични изреки …

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Don`t copy text!