Според Reuters, најголемиот светски производител на паметни телефони го намалил производството, што е последица на глобалниот пад на побарувачката предизвикан од економските тешкотии, односно намалените трошоци за електроника поради инфлацијата и влегувањето во рецесија на некои светски економии.
Фабриката Таји Нгуен на Самсунг во Виетнам произведува половина помалку паметни телефони од минатата година,. Двете фабрики на Самсунг во Виетнам годишно испорачуваат 100 милиони паметни телефони, додека минатата година Самсунг на глобално ниво испорача околу 272 милиони паметни телефони. Ројтерс остава можност Samsung да ги замени производствените капацитети од Виетнам со други во Јужна Кореја или Индија, но тие не можеа да го потврдат тоа.
Неодамна беше објавено дека Samsung има дури 50 милиони непродадени смартфони на лагер бидејќи целта на производство за 2022 година била 334 милиони уреди кои очекуваат поголема побарувачка, а излегува дека во тековната година побарувачката е помала од очекуваната. Имањето толку многу уреди на залиха може исто така да биде една од причините за наводното помало производство.