“Pocket Rocket” – необичен електричен велосипед

Германската компанија Sol Motors, го најавува својот производ со необичен изглед, електричен велосипед-мотор.
Електричните велосипеди со секој следен ден стануваат сè попопуларни и побарани, било да се изработени во домашни услови или од познати производители. Во последниов период сведоци сме на неколку електрични велосипеди со невообичаен изглед. Уште еден таков ќе пристигне од Германија.
Компанијата Sol Motors со седиште во Штутгарт, го претстави својот велосипед/мотор на електричен погон и бомбастично го нарече “Pocket Rocket”.
Оваа “џебна ракета” се гордее со својот необичен изглед, но и со самиот концепт на возило. Всушност, Германците велат дека ова не е класичен велосипед, бидејќи е пребрз, не е мопед бидејќи нема педали, но не е ни мотоцикл, го нарекуваат нопед, и сметаат дека станува збор за нова класа на електрично возило.
Наменет е за градско возење и го карактеризира тежина од 55 килограми, функционален дизајн, моќ и брзина. Со едно полнење батеријата дава автономија од 50-80 километри, а најголема брзина му е 80 км/ч. Електричниот мотор испорачува сила од 6 или 8,5 кс, во зависност од опцијата, а од опремата тука се и хидраулични кочници, систем за регенеративно полнење, ЛЕД светла, и се разбира можност за поврзување со мобилен телефон за други напредни опции.
“Pocket Rocket” доби награди за дизајн низ Германија и Европа, а официјално ќе биде претставен на почетокот на следниот месец на саемот за мотоцикли Intermot во Келн.

Претходна Зошто постарите мажи излегуваат со помлади девојки
Следна Најновото продолжение на култниот Терминатор го доби првиот трејлер

Награден напис

Мета подготвува ривал на Твитер

Мета го претстави својот претстоен ривал на Твитер на своите вработени, а изгледот на апликацијата …

Мистериозно кинеско летало

Кинеското вселенско летало без екипаж се врати на Земјата откако помина 276 дена во орбитата. …

Don`t copy text!