Nissan Navara-R развива 1.000 КС

Двегодишниот проект на дрифтерот Стив Багси Биаџиони и тимот на SB Motorsports резултираше со моделот Navara-R со подесен мотор од Nissan GT-R.

Уникатниот Navara-R доби широк бодикит од Sterling Automotive кој вклучува додатоци за предните и задните браници, продолжетоци на браникот, нагласен преден сплитер и два задни спојлери, едниот монтиран на покривот, а другиот на товарната врата.

Пикапот е покриен со фолија на Fleet Livery Solutions Ltd, а има и атрактивни BBS бандажи од 20 инчи, па никој нема да може да го замени овој Navara со стандарден модел.

Иако изгледа импресивно, најважните модификации се кријат под хаубата. Дизел моторот на Навара беше отстранет и заменет со подесен VR38DETT мотор од Nissan GT-R. Волуменот на овој твин-турбо V6 мотор под ознаката VR41 е зголемен на 4,1 литри, а развива „магични“ 1.000 КС. Силата се пренесува на сите четири тркала преку модифицирана трансмисија со двојна спојка составена од Dodson Motorsport.

Пикапот на Nissan е познат по своите теренски способности, но во случајот со Navara-R тие прават модификации на шасијата и суспензијата за да биде што подобар на патеката. Подобрените сопирачки RC6 и RC4 Alcon Specialist обезбедуваат моќ за запирање.

Внатре е нов волан GT-R, две Sparco седишта, зацрвенето копче за сопирање-поаѓање, мала дигитална група и звучен систем Kenwood со голем екран на допир сместен на централната конзола.

SB Motorsport прифаќа нарачки за Navara-R кои чинат најмалку 250.000 фунти. Пикапот е легален и за возење по пат.

Претходна Вечната дилема. Дали бојлерот троши повеќе струја кога е постојано вклучен или кога се вклучува по потреба?
Следна Дознајте зошто комарците некого касаат, а некого заобиколуваат

Награден напис

Дознајте зошто комарците некого касаат, а некого заобиколуваат

Колку и да се трудиме да ги избегнуваме и колку да се користат разни препарати, …

Вечната дилема. Дали бојлерот троши повеќе струја кога е постојано вклучен или кога се вклучува по потреба?

Често се прашувате кога и колку време да го вклучите бојлерот и притоа да заштедите …

Забрането е копирање на текст!