Lexus RC F Track Edition

Lexus своето RC F Track Edition издание премиерно ќе го претстави на претстојниот автосаем во Детроит.
Toyota на саемот во Детроит подготвува две премиерни прикажувања, и тоа на славната Supra и RC F Track Edition на Lexus.
Track Edition позади себе крие редизајнирана верзија на RC F  моделот, оптимизирана аеродинамика, рекалибриран систем за бесење и намалена маса, а редизајнираниот RC F може да биде достоен наследник на легендарниот модел на Lexus со ознака LFA,
Lexus RC F Track Edition има петлитарски V8 мотор со 478 ks и вртежен момент од 530 Nm. За преносот на силата на моторот задолжен е рекалибриран автоматски менувач со 8 степени на пренос. Со помош на системот Launch Control, автомобилот од 0-100 km/h стигнува за 3,9 секунди. Од Lexus тврдат дека нивниот RC F Track Edition има најдобар сооднос на маса и сила во класата.
За намалување на 80 килограми од автомобилот заслужни се деловите направени од карбонски материјали како поклопецот на моторот, кровот, предниот и задниот спојлер. За ентузијастите што го поминуваат своето време на патеките, подготвена е верзија со комплетно керамички сопирачки од Brembo.
Меѓу деталите наменети само за RC F Track Edition е и црвената кожа во кабината, а автомобилот ќе се нуди само во две бои, бела и сива.
Цената на RC F Track Edition сè уште не е позната.



Претходна Актуелниот првак во Формула 1 го купи својот втор пентхаус на Менхетен
Следна Во Пекинг е отворена антистрес соба во која стресот се ослободува со кршење предмети

Награден напис

Нико Хулкенберг меѓу кандидатите за нов возач на Хаас

Германскиот возач Нико Хулкенберг би можел целосно да се врати во Формула 1 следната сезона …

Porsche Tequipment претстави покривен шатор за две лица

Кровниот шатор на Porsche ќе биде достапен од ноември, а ќе може да се постави …

Забрането е копирање на текст!