Hummer H1 – ѕвер за сите прилики

Mil-Spec, американска тјунинг компанија, ја покажа својата четврта верзија од Hummer H1. Оваа компанија од Детроит, САД, која веќе подолг период се занимава со доработки на теренското возило Hummer H1, изјавува дека со доработката и тјунирањето на Hummer H1 ќе се постигнат врвни перформанси, ќе се добие возило кое ќе ги исполнува и најекстремните барања.
Hummer H1 со каросерија во боја на песок, со екстремно растојание од теренот, со дополнителни ЛЕД светла за користење ноќе, ќе биде непобедлив ѕвер. Надворешноста ќе ја красат и специјалната всисувачка цевка за поминување на длабоки води и чекрк за извлекување во ситуации кога ќе заглави во непрооден терен. Mil-Spec Hummer H1 ќе го придвижува рачно составен 6,6 литарски V8 турбодизел мотор на Duramax, со 505 ks и најголем вртежен момент од 1355 Nm.
Преносот на силата на моторот е на сите тркала, а за тоа е задолжен автоматскиот менувач Allison 1000 со 6 степени на пренос. Во стандардна опрема е и редукторот кој има за задача на ова возило да му овозможи проодност како на камион.
И внатрешноста на возилото не остана без редизајн. Обложена со кожа, со зголемена звучна изолација, подобрен клима-уред и врвен аудиосистем.
За овој ѕвер од Mil-Spec бараат само 250.000 долари.

Претходна Можно ли е работното место да го платите со развод?
Следна Која е врската помеѓу домашните обврски и сексот

Награден напис

Mercedes-Benz Sprinter трансформиран во луксузна канцеларија

Познатата тјунинг куќа Klassen го претвори Mercedes-Benz Sprinter во луксузна мобилна канцеларија која е опремена …

Маестралниот Верстапен славеше во Мајами

Холандскиот возач Макс Верстапен славеше на Големата награда на Мајами во петтата трка од сезоната …

Don`t copy text!