Google открива со која опција батеријата на мобилниот ќе ви трае подолго

На презентацијата одржана на Android Dev Summit, од Google потврдија дека “темниот” режим на работа на оперативниот систем и на апликациите (dark mode), има позитивни ефекти врз издржливоста на батеријата кај телефоните кои работат на Android.
„Dark mode“ е опција која ја менува бојата на темата на оперативниот систем или на апликацијата во црна. Според Business Insider, долго време се дебатираше за ефектот на оваа опција врз издржливоста на батеријата, но ова е прв пат тоа отворено да биде потврдено.
Во текот на презентацијата, од Google го прикажаа податокот за ефективноста на “темниот” режим на работа врз батеријата кога се користи на апликацијата YouTube. Се покажа дека на полна светлина, “dark mode” штеди 43% од батеријата во споредба со нормалниот режим на работа (normal mode), кој користи многу бела боја.

Од Google признаа дека згрешиле со тоа што ги охрабрувале развојните инженери на апликации да користат бела боја. Многу апликации им нудат на корисниците “темен” режим на работа, но не сите. Повеќето како главна ја користат токму белата боја. Така што, ако сакате подолго да издржи батеријата на вашиот смартфон, сега и официјално знаете што треба да направите.

Инаку, има апликации кои ја трошат батеријата повеќе од другите. Така на пример, Snapchat троши најмногу батерија во мирување. Популарниот Tinder, исто така, троши многу батерија поради следење на локацијата. Microsoft Outlook постојано ја проверува и освежува новата пошта. Апликацијата Facebook е вистински предатор за вашата батерија, па затоа е најдобро е да ја користите Lite верзијата на Facebook.

Претходна Писмо од Алберт Ајнштајн продадено на аукција за 32.000 долари
Следна НАСА на Гренланд откри огромен кратер заробен во мразот

Награден напис

Oppo Find X5 Pro претставен преку серија видеа

Oppo во Барселона претстави исклучително интересен телефон наречен Oppo Find X5 Pro. Претставен е преку …

Samsung Electronics поседува најмногу патенти во светот

Успехот на Samsung се заснова на долгорочна деловна стратегија, а за негово поставување во турбулентниот …

Забрането е копирање на текст!