Машки клуб Светот на мажите
Познатиот германски тјунер G-Power претстави уште еден навистина импресивен проект.
G-Power е во светот на тјунингот е речиси 40 години и успешно ги штима моделите на BMW и BMW M, ја прошири својата експертиза на Mercedes-AMG во 2014 година и на Porsche во 2019 година. Овој успешен тјунер сега е подготвен за нов раст, а овој пат за проектот е избран Lamborghini Urus.
4.0-литарскиот V8 twin-turbo мотор на Urus развива 650 КС и 850 Nm вртежен момент од фабриката, но G-Power секогаш прави одлична работа на ова поле. Во овој случај, тјунерот го користеше софтверот за перформанси за да ја зголеми моќноста на 740 КС и 950 Nm.
G-Power може да ги задоволи оние кои сакаат уште поголема моќност, па покрај новиот софтвер, вградува нов downpipe и спортски катализатори, а по овие измени споменатиот мотор испорачува 780 КС и 1.000 Nm вртежен момент. Но, тоа не е се, бидејќи со поставување на нови ладилници се добиваат дополнителни 50 КС, односно вкупно 830 КС.
G-Power работеше и на изгледот на теренецот, доби детали за хаубата, продолжетоци на лаците на предните браници, портокалова влошка на решетката на ладилникот, поагресивен заден дифузер и поголем спојлер на покривот. Масивните 24-инчни тркала со Y краци ја комплетираат трансформацијата.
G-Power ја освежи внатрешноста со портокалова боја на централната конзола, вратите и седиштата.
Инаку, Lamborghini минатата недела претстави Urus со повисоки перформанси наречен Performante, кој е полесен за 47 килограми и развива 666 КС и 850 Nm вртежен момент. Performante забрзува од 0 до 100 km/h за 3,3 секунди.
