Ducati го претстави електричниот мотоцикл MotoE V21L

Компанијата Ducati оваа недела официјално во Модена го претстави својот електричен мотоцикл MotoE V21L, а на ексклузивниот настан присуствуваа мал број гости, меѓу кои и избрани европски медиуми.

Она што може да се заклучи од фотографиите е дека V21L изгледа слично на прототипот кој Ducati го тестира веќе некое време. Боите се малку поинакви и порафинирани, а некои карбонски површини се покриени, додека останатите остануваат изложени. Црвената графика на црна и сива површина го подобрува изгледот на мотоциклот, кој навистина привлекува очи.

Она што е исклучително важно е фактот дека V21L е навистина вистинско Ducati и што тоа јасно го „кажува“ преку визуелна комуникација. Исто така, тој изглед не „вреска“ дека се работи за електричен мотоцикл, како што е случајот со некои други модели од овој свет.

Мотоциклот тежи 225 килограми, од кои 110 килограми се батеријата од 18 kWh специјално дизајнирана за овој мотоцикл. V21L развива 150 КС, а на патеката Муџело разви максимална брзина од 275 km/h.

Другите клучни компоненти вклучуваат Öhlins NPX 25/30 наопаку свртена вилушка која се базира на онаа што ја користи моделот Superleggera V4. Има и целосно прилагодлив заден амортизер Öhlins TTX36, амортизер Öhlins за управување и специјално дизајнирани Brembo сопирачки.

Ducati е особено горд на својот систем за ладење, за кој вели дека вклучува двојно коло на течно ладење за да ги задоволи потребите за ладење на батеријата, моторот и инверторот. Затоа, нема потреба да чекате да се олади за да се полни откако загреаниот мотор ќе ја напушти патеката, туку може веднаш да се поврзе на полначот и да ја наполни батеријата до 80 проценти капацитет за само 45 минути.

Претходна Се собра легендарниот состав на Бразил од 2002 година
Следна За време на топлите денови пијте изотонични пијалоци

Награден напис

НБА екипа на продажба

Професионалниот кошаркарски тим во НБА, Феникс Санс лани играше во големото финале на плеј-офот и …

Volkswagen ID Buzz Cargo ја освои наградата за комбе на годината за 2023 година

На Volkswagen ID Buzz Cargo му беше доделена престижната индустриска награда „Меѓународно комбе на годината …

Забрането е копирање на текст!