Boxing Day и 30 натпревари во англиската Премиер лига

Англиската фудбалска лига по многу работи се разликува од фудбалот во останатите делови на светот, а она по што најмногу се разликува се познатиот Boxing Day и натпреварите што се играат на тој ден.

Подолго од 120 години трае традицијата англиските фудбалски клубови ден после Божиќ да ги играат лигашките натпревари и на тој начин да ги одбележат празничните денови.

Традицијата потекнува уште од XIX век. И покрај негодувањата дека тогаш играчите непотребно се заморуваат, тешко дека Aнгличаните ќе се откажат од оваа, сепак, убава традиција.

За постоењето на Boxing Day се врзуваат неколку теории, а најпознатата е дека на првиот ден од Божиќ богатите Aнгличани ги дарувале своите слуги.

Во денешно време на Boxing Day влезниците за фудбалските натпревари се со многу поевтина цена, а неретко и сопствениците на годишните влезници ги подаруваат билетите за тој ден.

Но, тоа не е крај на деновите што се празнуваат. Во следните денови ќе се одиграат дури 30 натпревари од Премиер лигата.

Тоа е убавината на Boxing Day во Англија.