Aurus Komendant е руски ултра луксузен теренец, кој развива 590 КС

Руската компанија Aurus претстави сосема нов луксузен теренец наречен Komendant.

Komandant е дизајниран да обезбеди „беспрекорна удобност при секое патување“ и на тој начин да го понуди луксузот што ги карактеризира Bentley Bentayga и Rolls-Royce Cullinan.

Сличностите со Cullinan се непогрешливи бидејќи Komendant има „мажествена и монументална“ надворешност со масивна решетка на ладилникот со 22 решетки. На страните има LED фарови, како и големи доводи за воздух.

Прозорците се со двојно застаклување, нагласена е линијата на рамената, а се нудат сетови на тркала од 20, 21 и 22 инчи. Други карактеристики вклучуваат квадратни издувни цевки, електронска задна врата и загреана шофершајбна.

Komendant е долг 5.380 mm, широк 2.004 и висок 1.820 mm, додека меѓуоскиното растојание му е 3.100 mm. Според овие бројки, тој е 39 mm подолг од Cullinan, но има пократко меѓуоскино растојание за 195 mm.

Внатрешноста е елегантна и обложена со Nappa кожа, украсена со метални и дрвени детали во различни бои.

Пред возачот има дигитален кластер, како и инфозабавен систем со широк екран со аналоген часовник. Клиентите ќе добијат и четиризонска клима, амбиентално осветлување, држачи за чаши со функции за греење и ладење, како и безжични полначи напред и назад.

Со оглед на тоа дека се работи за ултра луксузен теренец, во задниот дел има две индивидуални седишта со функции за греење, вентилација и масажа. Нив ги дели широка централна конзола со маси кои се извлекуваат, а има и минибар со фрижидер. Теренецот има и двоен екран за системот за забава и многу повеќе.

Клиентите можат да изберат боја по свој избор, натписи на плочите на праговите, додатоци за специјална опрема и слично.

Komendant е придвижуван од 4,4-литарски V8 твин-турбо мотор со хибридна технологија, кој развива 590 КС и 880 Nm вртежен момент. Спарен е со деветстепен автоматски менувач и стандарден погон на четири тркала. 3.235 kg SUV забрзува од 0 до 100 km/h за 6,5 секунди пред да достигне максимална брзина од 220 km/h. И покрај хибридниот погон, тоа е „жедно чудовиште“ чија комбинирана потрошувачка на гориво е 18,5 литри на 100 поминати километри.

Да речеме и дека е опремен со адаптивна воздушна суспензија која обезбедува до 260 mm растојание од земјата. Возачот има на располагање head-up дисплеј, како и систем за камера и напредни системи за помош на возачот.

Цената е 592.484 евра.

Претходна Ламборџини произведува мед, но само вработените можат да го добијат
Следна Најновото ограничено издание на Audi R8 ја носи ознаката GT

Награден напис

Археолозите ја пронајдоа досега најстрашната гробница во Египет

Археолозите неодамна јужно од Каиро открија гробница стара 2.500 години, исполнета со бројни магични изреки …

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Don`t copy text!