Машки клуб Светот на мажите
На мерцедес АМГ, по сè изгледа, одлично му оди. По претставувањето на AMG A45 и CLA 45, пристигна уште еден атрактивен модел, AMG CLA 45 Shooting Brake.
Втората генерација на моделот CLA повеќе е посветен на семејството, што воопшто не пречеше на неговата атрактивност. Овој пат Мерцедес не ја зголеми практичноста со жртвување на перформансите.
CLA 45 Shooting Brake зрачи со својот спортски дух, а доказот за тоа се наоѓа под хаубата каде што е сместен најјакиот четирицилиндричен бензинец на светот. Тоа е истиот мотор со ознака М139 кој ги придвижува стандардните А45 и CLA, но во овој случај може да се добие во две верзии и тоа со 387 и 416 коњски сили.
Силата на моторот се пренесува преку сите четири тркала со помош на менувач со осум степени на пренос (4matic+).
Кога станува збор за перформансите, може да се наведе дека забрзувањето од 0-100 km/h се постигнува за 4,1 секунда, додека појаката верзија истото го постигнува за 4 секунди.
Максималната брзина е електронски ограничена на 250 km/h за првата верзија и 270 km/h за појаката верзија.
Податоците за цена и за комплетната опременост сè уште не се објавени, но повеќе од јасно е дека на купувачите на AMG CLA 45 Shooting Brake нема да им недостасува ништо од топ опременоста на моделите на АМГ.
