Alfa Romeo Giulia TZ се враќа по повод 60-годишнината

Alfa Romeo ќе го оживее класичниот модел Giulia TZ во соработка со познатата дизајнерска куќа Zagato, која стои и зад оригиналното спортско купе.

Најавен во краткиот клип објавен на социјалните мрежи од Zagato, новиот модел се одликува со линија на задното светло што потсетува на обликот на оригиналните тркачки автомобили Giulia Zagato TZ од 1960-тите.

Наречен Giulia SWB Zagato, новиот автомобил најверојатно ќе земе значителна дизајнерска инспирација од старите модели вклучувајќи ја ниската хауба, наведната линија на покривот и рамната Камова опашка.

Сепак, се очекува платформата да биде целосно модерна, со 2,9-литарскиот V6 твин-турбо мотор и модифицираната шасија позајмени од Giulia Quadrifoglio и потенцијално верзија со 533 КС од ограниченото издание GTAm. Како што сугерира значката SWB, меѓуоскиното растојание ќе биде скратено за да одговара колку што е можно повеќе со Giulia TZ.

Zagato имаше сличен пристап со TZ3 од 2010 година, кој исто така беше инспириран од Giulia, а всушност беше верзија на Dodge Viper ACR-X за патишта со нова каросерија.

Пристигнувањето на новиот автомобил се очекува во ноември 2023 година на време за да се прослави 60-годишнината од дебито на моделот Giulia TZ на трките на FISA Monza Cup. ТЗ го освои второто, третото, четвртото и петтото место.

Оригиналниот TZ има статус на високо ценет колекционерски автомобил, за што сведочи цената на примерок од 1965 година, кој неодамна беше продаден за 1.181.250 фунти.

Се очекува Giulia SWB Zagato да се произведува во многу мал број.

Giulia TZ3 беше произведена во само десет примероци, еден беше тркачки, а останатите девет беа на пат. Еден од тие примероци беше продаден на аукција во 2020 година за 403.000 фунти.

Сепак, креацијата на Zagato нема никаква врска со суперавтомобилот што одамна го ветија челниците на Alfa Romeo. Тој модел треба да биде одобрен за неколку месеци. Шефот на брендот Жан-Филип Импарато изјави за Autocar дека тоа би можело да биде автомобил кој се напојува само со мотор со внатрешно согорување, што значи дека може да послужи како „лебедова песна“ за SUS моторите на Alfa. Постои можност тоа да биде тјунирана верзија на 2,9-литарскиот V6 мотор на Giulia.

Претходна Храна која особено лошо влијае на работата на цревата
Следна Армијата на САД избра замена за хеликоптерите Апачи и Блек Хок

Награден напис

Kawasaki Ninja ZX-4RR KRT Edition пристигнува во Европа

Kawasaki го подготви моделот Ninja ZX-4RR KRT Edition наменет за ентузијасти кои сакаат атрактивни мотоцикли …

Минатата година Мајкл Џордан заработи 2,5 пати повеќе отколку во целата своја НБА кариера

Легендарниот кошаркар Мајкл Џордан е вистински „магнет за пари“, а во последната година заработи 2,5 …

Забрането е копирање на текст!