Хоакин Феникс се враќа во улогата на Џокерот во истоименото продолжение на оскаровецот психолошки трилер базиран на еден од најпознатите негативци од стриповите во светот.
Во филмот „Joker: Folie a Deux“, Феникс ќе ја репризира главната улога што му донесе Оскар за најдобар актер во 2019 година, кој ја следи приказната за најголемиот непријател на суперхеројот Бетмен.
Филмот, кој беше номиниран за Оскар за најдобар филм и освои најдобра оригинална музика и најдобар актер, беше режиран и продуциран од Тод Филипс, кој го напиша сценариото заедно со Скот Силвер.
Ворнер Брос не откри многу детали за продолжението, меѓутоа познато е дека новото продолжение е всушност мјузикл каде на Феникс во актерската екипа ќе му се придружи Лејди Гага како неговата партнерка Харли Квин.
47-годишникот, познат по глумењето мрачни и емотивно проблематични ликови, е широко пофален за, како што велат многу критичари, една од најстрашните и највознемирувачките изведби во модерниот филм.
Тој е вториот човек кој освоил Оскар за улогата на Џокер, следејќи ги стапките на Хит Леџер, кој постхумно го доби Оскар за најдобра споредна машка улога за неговата улога во ликот во 2008 година во The Dark Knight.
„Joker: Folie a Deux“ се очекува да се појави во кината на 4 октомври 2024 година.