Рафаел Надал со предлог кој може суштински да го смени тенисот

Доскорешниот прв рекет во светот Рафаел Надал, изјавува дека тенисот како спорт се наоѓа во опасност, од едноставна причина што генерално сè се сведува на силата и сервисот. Вели дека во годините што следат тоа може да претставува голем проблем.

Предлогот што го дава Надал е едноставен: да се укине можноста за втор сервис. Со тоа би се калкулирало повеќе за сервирање со екстремна сила.

Тој едноставно вели:

“Тенисот се движи во погрешна насока. Играчите се сè посилни и ако во догледно време не се најде модус за ова, тенисот ќе се сведе на чиста сила и сервис, а тоа може да биде прилично опасно. Немам некое конкретно решение, но размислувам за тоа дека може да се укине правилото на втор сервис, и со тоа би се намалила употребата на силни и брзи сервиси”.

Заради повреда на коленото, Надал беше принуден да го пропушти Мастерсот во Париз, поради што ќе го изгуби првото место на АТП листата.