Пристигна и моделот Carrera T

Со 911 Carrera T, Porsche го пополнува празниот простор помеѓу верзиите Carrera/Carrera 4 и Carrera S.

Шареното друштво на „елфери“ од серијата 992 го прошири моделот Carrera T (T како Touring), кој, како што се вели, носи традиционални решенија и повеќе забава (во споредба со стандардната Carrera) што не бараше зголемување во моќноста на моторот.

Цената на Porsche 911 Carrera T е сместена помеѓу стандардните модели Carrera/Carrera 4 и помоќната Carrera S. Тој е придвижуван од трилитарски 6-цилиндричен битурбо бензински боксер мотор од основната Carrera кој развива 385 КС и 450 Nm максимален вртежен момент, но споменатиот мотор во намалена и полесна T(ouring) верзија поместува помалку килограми.

Традиционалистите најмногу ќе ги израдува веста дека преносот на силата на задната оска во Carrera T се врши преку мануелен менувач со 7 степени, кој е меѓу главните „виновници“ за намалувањето на тежината, а со рачниот менувач дојде и механички ограничено блокирање на задниот диференцијал.

Списокот на стандардна опрема ги вклучува адаптивната суспензија на Porsche (PASM) и пакетот Sport Chrono. Љубителите на автоматските менувачи може да сметаат на 8-брзинскиот PDK менувач без доплата. Повеќе звук во кабината е обезбеден со потенката звучна изолација и недостатокот на задни седишта, кои Porsche ќе ги вгради во кабината без дополнителни трошоци доколку купувачот ги сака.

Основната цена за Porsche 911 Carrera T, која од 0 до 100 km/h заостанува само 0,3 секунди од значително помоќната Carrera S верзија (450 КС), изнесува 123.845 евра.

Претходна Oppo го претстави Reno8 Pro House of the Dragon Limited Edition
Следна Google го претстави Android 13 (Go edition) за најприфатливите мобилни телефони

Награден напис

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Како Роналдо ги решава проблемите

Португалскиот фудбалер Кристијано Роналдо реши да направи нов деловен потфат купувајќи ја медиумската компанија Кофина …

Don`t copy text!