Првиот виртуелен концерт преку Fortnite

DJ Marshmello, како што го викаат Christopher Comstock, е првиот музичар што направил концерт во мегаиграта Fortnite и на него присуствувале 10 милиони верни играчи.
Концертот е одржан на бината на Pleasant Park која била видлива за играчите неколку дена, а скиновите и додатоците во ликот на DJ Marshmello го најавувале претстојниот спектакл цела недела.
Освен креаторите на Fortnite, за присуството на играчите и гледачите на виртуелниот концерт изненаден е и самиот DJ Marshmello.
Иако на почетокот се мислело дека виртуелниот концерт е составен само од ботови, DJ Marshmello изјави и покажа дека се работи за концерт во живо реализиран со техничка помош од Epic Games.

“Испишавме историја. Ова е првиот виртуелен концерт со милиони посетители. Ова е лудило и им благодарам на Epic Games”, напишал музичарот во својот твит.

Концертот беше направен перфектно, исполнет со светлосни ефекти, холограми, добра забава, а десетминутното видео е аплоудувано на YouTube.
Погледнете видеото од концертот и уживајте.