На 16 години Новак Ѓоковиќ јавно барал спонзори што ќе му помогнат професионално да се занимава со тенис

Новак Ѓоковиќ пред неколку дена го освои својот 14-ти Гренд Слем турнир и влезе меѓу тројцата најдобри тенисери на сите времиња.

Неговиот успех е уште поимпресивен поради фактот што доаѓа од мала, сиромашна земја, која не вложува многу во спортски таленти.

Иако на само 14 години бил најдобар јуниор во светот, никој во Србија не сакал да вложи во неговата кариера.

Тоа најдобро се гледа и од следното видео, каде Новак заедно со својот татко јавно бараат “бизнис партнер” кој ќе вложи во неговата кариера, а подоцна по договор ќе добива процент од неговата заработка.

И покрај тоа што никој не верувал во него, Ѓоковиќ сепак успеа да стане тенисер со најголема заработка во историјата на АТП ерата од тениски турнири, а неговите спонзорски договори се мултимилионски.