Најголемата ајкула на светот видена во водите кај Хаваи

Големата бела ајкула се смета за најголемиот вид на ајкула на светот. Еден примерок кој се смета и за најголемиот примерок од тој вид на ајкула, е виден и фотографиран во водите кај Хаваи. Нуркачите кои ја виделе нуркале во нејзина близина и ја фотографирале.
Ајкулата била долга шест метри и во близина на брегот се појавила во вторникот.

“Отпрвин мислевме дека се работи за неколку обични ајкули кои се разотидоа кога таа се појави. Неколку пати го допре бродот. Таа е огромен нежен џин кој го користеше нашиот брод за да се почеша. Испловивме рано наутро, а со неа останавме до доцна навечер”, изјави Оушн Ремзи, една од нуркачите.

Ремзи додаде дека ајкулата е најмалку 50 години стара и дека тежи отприлика два тони, што може да значи дека била трудна.
Таа и нејзиниот тим ги проучуваат ајкулите и работат на нивна заштита.
Чудно е тоа што голема бела ајкула се појавила во водите околу Хаваи, бидејќи температурата на водата е претопла за овој вид.
На ајкулата ѝ го дадоа името “Deep Blue” и веќе ѝ креираа и профил на Твитер.


https://www.instagram.com/p/BstzkcZlZHg/?utm_source=ig_web_button_share_sheet