Неверојатно откритие на индонезискиот остров Бали. Имено, жителите неодамна пронашле огромен Боинг 737 паркиран на нива. Проблемот и мистеријата во целата приказна е што никој не знае како стигнал таму, бидејќи локацијата е многу недостапна, а тој де факто е недопрен.
Џиновскиот авион се наоѓа во каменолом за варовник во близина на автопатот Раја Нуса Дуа Селатан, недалеку од туристичкиот центар и плажата Пандава.
Нема ознаки
Локалните жители веруваат дека авионот бил донесен на делови и повторно склопен таму од амбициозен претприемач кој планирал да изгради ресторан во него. Наводно останал без пари и проектот пропаднал, а авионот останал напуштен.
Авионот исто така нема апсолутно никакви ознаки на авиокомпании, нема индикации дека имало несреќа, ниту пак евиденција за летот.