Мерцедес ги напаѓа БМВ и Ауди

Жестока битка за тронот во сегментот на најелитните СУВ возила се води помеѓу GLE, Q7 и X5.
Да се потсетиме дека позади ознаката на Мерцедес GLE се крие старата М класа на СУВ возила. Првиот Мерцедес М класа e презентиран 1998 година со ознака на моделот W 163, следниот во 2006 година со ознака на моделот W 164, а третиот со ознака W 166 во 2011 година. Со фејслифт, третата генерација на М моделот се преименува во GLE  во 2015 година.
Во споредба со претходниците, новиот GLE е попростран, полуксузен и поопремен. Всушност е ризница на технолошки новитети во автоиндустријата. Со меѓуосовинско растојание зголемено за 8 см, комфорот е видливо подобар, особено за патниците назад кои имаат дури 69 мм поголем простор за колената. Профитираше и багажникот кој има простор од дури 825 литри, а со спуштање на задните седишта се зголемува до 2055 литри.
Напредната 48 волтна инсталација воведена е како стандард, а посебно внимание привлекува новата генерација на ЛЕД предни светла со распон од дури 650 метри. Тоа колку е подобрен најдобро илустрира податокот дека со благо зголемување на габаритот, значително е подобрена аеродинамиката со намален коефициент на отпор од 0,32 на 0,29, што е најдобар резултат во класата.
Што се однесува до понудата на мотори тука од Мерцедес се прилично таинствени. Објавено е само дека GLE 450 4Matic ќе користи комбинација од 3 литарски реден, со 6 цилиндри, турбо бензинец со 362 кс, и електро мотор со 21 кс. Силата ќе се пренесува на сите тркала, а менувачот е автоматски со 9 степени на пренос со ознака 9G-TRONIC.
Веќе на крајот од оваа година најавено е појавувањето на купе изведбата која директно ќе го нападне претставникот на Ауди Q8.

Претходна Откриена е нова егзопланета два пати поголема од Земјата
Следна На 16 години Новак Ѓоковиќ јавно барал спонзори што ќе му помогнат професионално да се занимава со тенис

Награден напис

Mercedes-Benz Sprinter трансформиран во луксузна канцеларија

Познатата тјунинг куќа Klassen го претвори Mercedes-Benz Sprinter во луксузна мобилна канцеларија која е опремена …

Маестралниот Верстапен славеше во Мајами

Холандскиот возач Макс Верстапен славеше на Големата награда на Мајами во петтата трка од сезоната …

Don`t copy text!