Луксузен апартман на Менхетен продаден за неверојатни 238 милиони долари

 
Пентхаус апартманот лоциран во престижниот кварт Централ Парк е новиот дом на американскиот инвеститор и милионер Кен Грифин. Апартманот зафаќа простор од 2230 метри квадратни, што е 34 пати повеќе од просечен апартман во овој дел на Њујорк.
Со цената од 238 милиони долари ги сруши сите рекорди и претставува најскапиот станбен објект продаден во САД.

“Њујорк е познат по прекрасни и грандиозни објекти, но овој е вонсериски по сите параметри”, изјави експертот за инвестиции во недвижнини Даниел Ливи, извршен директор на New York City Realty.

Ливи нагласи дека претходниот рекорд на продадена недвижнина во Њујорк била куќа со вредност од 100 милиони долари, а нејзин купувач бил Мајкл Дел, основачот на Dell Technologies.
Кен Грифин си го дозволил домот на Менхетен откако потрошил 122 милиони долари на вила во Лондон, во близина на Бакингемската палата.