Ламборџини произведува мед, но само вработените можат да го добијат

Lamborghini дефинитивно е најпознат по своите суперавтомобили, но има и некои други производи.

Како и многу други производители на автомобили, Lamborghini има споредни бизниси, па дури произведува и мед што не е достапен за продажба.

Во 2016 година, Lamborghini постави пчеларник со околу 600.000 пчели во својот парк. Секоја година, компанијата произведува 430 килограми мед, кој потоа им го дава на своите вработени за Божиќ.

Порше има нешто слично. Германската компанија поседувала пчеларник со 1,5 милиони пчели, а во текот на првата година произвела 400 килограми мед. Целото количество беше распродадено за само неколку дена, а Porsche потоа го зголеми бројот на пчели на околу 3 милиони и денес произведува еден тон мед годишно. Бентли исто така произведува мед во ОК.

Ролс-Ројс исто така се занимава со производство на мед и има околу 300.000 англиски пчели. Минатата година, компанијата побара од вработените да волонтираат како пчелари во нејзиното седиште во Гудвуд, Сасекс. Количината на мед што ја произведува Ролс Ројс годишно е многу помала од онаа на Порше.

Lamborghini поседува голема фотоволтаична централа во Сант Агата Болоњезе, која моментално е најголема во италијанскиот регион Емилија Ромања. Од 2010 година, ги намали емисиите на CO2 за повеќе од 2.000 тони.