Видео игри кои си го заслужија своето место во Куќата на славните

Секоја година, Музејот на игри ги избира најдобрите од најдобрите во Куќата на славните за видео игри. Ова се овогодинешните победници.

Ms. Pac-Man, Dance Dance Revolution, The Legend of Zelda: Ocarina of Time и Sid Meier’s Civilization

Откако е основана Светската куќа на славните за видео игри како дел од Музејот на игри во Њујорк во 2015 година, таа секоја година вклучува видео игри во својата изложба, кои ја обележуваат сцената со своето значење и популарност.

Оваа година честа им припадна на четири видео игри – Legend of Zelda: Ocarina of Time, Ms. Pac-Man, Dance Dance Revolution и Sid Meier’s Civilization.

Како што објаснија при објавувањето на резултатите, видео играта Окарина на времето е добитник на неколку награди откако беше објавена во 1998 година. Таа е особено пофалена за самата приказна, исклучителниот 3D свет, сложените задачи и борбената механика. Денешните развивачи на видео игри често ја нарекуваат оваа игра како инспирација за нивната тековна работа.

Ms. Pac-Man е создаден од оригиналната и добро позната игра Pac-Man, а покрај новите ликови, на играчите им обезбеди и пософистицирани лавиринти, нови противници и предизвици. Исто така само Ms. Pac-Man се смета за првиот широко признат женски главен лик во видео игрите.

Dance Dance Revolution лансираше цела категорија музички игри и ја отвори вратата за хитови како Guitar Hero и Rock Band. Од самиот почеток беше исклучително популарен во целиот свет, а го играа сите – од најмали до највозрасни.

Видео играта Civilization од Сид Мејер е една од највлијателните симулации и стратешки игри на сите времиња, според Куќата на славните за видео игри. Благодарение на големиот број можности што играчот може да ги искористи во текот на играта, Civilization му овозможи на секој играч уникатно искуство во играта.

Инаку, Музејот за игри, кој ја промовираше Куќата на славните за видео игри, истакнува дека овогодинешните финалисти биле Assassin’s Creed, Candy Crush Saga, Minesweeper, NBA Jam, Resident Evil, Rogue и Words with Friends.

Претходна Што би се случило кога би можеле да патуваме побрзо од брзината на светлината?
Следна Сексуални фетиши што ги имаат многу повеќе луѓе отколку што сте мислеле

Награден напис

Carlex претстави одличен рестомод проект заснован на BMW Серија 6

Полската компанија Carlex Design ќе понуди обновено и изменето издание на еден од најубавите модели …

Како Роналдо ги решава проблемите

Португалскиот фудбалер Кристијано Роналдо реши да направи нов деловен потфат купувајќи ја медиумската компанија Кофина …

Don`t copy text!